త్యాగాల‌కు సిద్ధం కావాలి

Congress Party
చిన్న చిన్న కార్య‌క‌ర్త‌లు పార్టీ జెండాలు మోసేవాళ్లు ఇంకా ఇంకొంద‌రు త్యాగాల‌కు సిద్ధం కావాలి. మోడీని ఢీ కొట్టేందుకు రాహుల్ ని ప్ర‌ధానిని చేసేందుకు త్యాగాల‌కు సిద్ధం కావాలి. ఆంధ్ర‌లో కాంగ్రెస్ తెలుగు దేశం పొత్తుల దృష్ట్యా కొంద‌రు నాయ‌కులు త్యాగాల‌కు సిద్ధం కావాలి. ఇలా ఏవేవో చెబుతున్నారు పీసీసీ చీఫ్ ర‌ఘువీరారెడ్డి.త్యాగం అంటే ఏంటో ఆయ‌న వివరించిన దాఖలా లేదు. త్యాగం అంటే ఏంటో అర్థం చెప్పిన దాఖ‌లా అంత‌క‌న్నా లేదు. రాష్ట్రంలో ప‌టిష్టంగా ఉందో తెలియ‌ర‌ని లేదా తేల‌ని పార్టీ  కాంగ్రెస్. ఉనికి కోసం చేస్తున్న ప్ర‌య‌త్నంలో భాగంగానే టీడీపీతో పొత్తుకు సై అందేమో! లేకా సుదీర్ఘ కాల ప్ర‌యోజ‌నాల నిమిత్తం కాంగ్రెస్ టీడీపీ క‌లిసి ముందుకు వెళ్తున్నాయో తెలియ‌దు కానీ రాహుల్ ని ప్ర‌ధానం చేసేందుకు ఎంత‌టి త్యాగాల‌కు అయినా సిద్ధం కావాల‌ని చెప్ప‌డమే హాస్యాస్ప‌దం. దేశం కోసం ప్ర‌జ‌ల కోసం ఒక‌నాడు త్యాగాలు చేసిన పార్టీ ఇప్పుడు నేత‌ల కోసం వారి ప‌ద‌వుల  కోసం త్యాగాలు చేయాల‌ని పిలుపునివ్వ‌డ‌మే హాస్యాస్ప‌దం. రాష్ట్రంలో పొత్తులు ఖ‌రారు కాలేద‌ని జాతీయ అంశాల ప్రాతిప‌దిక‌నే తమ అధ్య‌క్షులు రాహుల్ కు చంద్ర‌బాబుకు చ‌ర్చ‌లు జ‌రిగాయ‌ని చెప్ప‌డం వెనుక ఆంత‌ర్యం ఏమున్నా ఈ సారి బొటాబొటీ మార్కుల‌తో అయినా పాస్ కావాల‌న్న‌ది కాంగ్రెస్ పార్టీ ఆంధ్ర‌లో చేస్తున్న ప్ర‌య‌త్నానికి టీడీపీ ఊతం త‌ప్ప‌క ఉంటుంది.
Congress Party News ,  Congress Update News, Telugu news update Congress Political News, Rahul Gandhi Latest News on Elections 

YOU MAY ALSO LIKE

Leave a Reply

Your email address will not be published. Required fields are marked *